لو اترفع عليكـ قضية خلع ، المفروض هتعمل ايه ؟ 01202030470

لو اترفع عليكـ قضية خلع ، المفروض هتعمل ايه ؟

طبعا كلنا عارفين ان فى قضايا الخلع الست لازم تعرض مقدم الصداق قبل ماتتخلع او بمعنى اصح المهر وغالبا فى ناس كتير بتكتب فى القسيمه جنيه واحد بس وساعتها الزوجه بتعرضه بإنذار عرض وتخلعه .!!

طيب السؤال بقى ايه إلى الزوج يقدر يرفعه أو يقدر يثبت به أنه دافع مهرفعلى مش جنيه واحد بس وخصوصا أن القضايا إلى الزوج بيرفعها بيكون عددها محدود يعنى غالبا مافيش غير الرؤيه انذار الطاعه ... وللأسف كمان إنذار الطاعه سلاح ذو حدين لانها ممكن تضيف طلب التطليق لاستحكام النفور وتطلق وتحتفظ بكل حقوقها الشرعيه يعنى بدل ماحضرتك تكحلها تعميها .. طيب ايه الحل وخصوصا لأن الزوج فى قضايا الخلع موقفه ضعيف ... ؟؟

● بص ياسيدى وده فى رأينا أن لما حضرتك تحس أن المشاكل بينكم وصلت لحد أنها ممكن ترفع قضايا وتروح المحكمه احنا فى الوقت ده بننصح انك ترفع دعوى ثبوت مقدم الصداق الأول.. طيب وده فايدته ايه .. ؟؟

اقولك ..
١ - انك بتثبت حقيقه مقدم الصداق وتثبت حقك
٢ - ستات كتير بترفع خلع علشان اسرع من التطليق للضرر إلى بيقعد سنين وطبعا لما حضرتك حتثبت مقدم الصداق الفعلى بحكم محكمه يبقى وقتها هى مش حتقدر ترفع خلع إلا لما تدفع مقدم الصداق الحقيقى أو مهرها

٣- لما حضرتك ترفع قضيه دعوى ثبوت مقدم الصداق فى الاول هى لو حبت ترفع خلع من حقك تطلب وقف دعوى الخلع لحين الفصل فى دعوى ثبوت مقدم الصداق
٤- مش حتبقى محطوط تحت رحمة القاضى انه يوافق او يرفض على طلبك بالطعن على صوريه مقدم الصداق فى دعوى الخلع

● وكده احنا شايفين أن الدعوى دى أهم من انذار الطاعه
ملحوظه ... مش شرط يكون مقدم الصداق أو المهر فلوس بالعكس ممكن يكون مهرها منقولات أو ذهب أو شقه أو عربيه اتكتبت بإسمها

قلنا علي المشاكل اللى قبلتك و عرفنا موقفك و تابعنا دايماً علي #اعرف_حقك

لمزيد من الاستفسارات:

مجموعة المستشار الدكتور كريم ابو اليزيد للاستشارات القانونية
🏠 القاهرة: 33 شارع الرشيد_احمد عرابى_ المهندسين
🏠 الاسكندريه: . ١٩ مكرر- ابراهيم سلامه - كفر عبده .
📞 للإستفسار والتواصل: 01202030470
خارج مصر : 002012020304708